TASAF YAOKOA WATOTO KATIKA KAZI ZA UCHIMBAJI WA MADINI MKOANI KATAVI

User Rating: 2 / 5

Star ActiveStar ActiveStar InactiveStar InactiveStar Inactive

Tatizo lililokuwa linaukabili mkoa wa Katavi la watoto kutoka katika kaya maskini kuacha masomo na kutafuta vibarua kwenye migodi ya machimbo ya madini,limepungua kwa kiwango kikubwa baada ya kuanza kutekelezwa kwa Mpango wa Kunusuru Kaya Maskini unaotekelezwa na Mfuko wa Maendeleo ya Jamii TASAF.

Mkuu wa Wilaya ya Mpanda Bibi. Lilian Charles Matinga amesema hayo mwishoni mwa wiki alipofungua Warsha ya Wandishi wa Habari wa mkoa wa Katavi juu ya Utekelezaji wa Mpango wa Kunusuru Kaya Maskini .

Bi.Matinga amesema kupungua kwa tatizo la ajira ya Watoto kumetokana na moja ya masharti ya Mpango wa Kunusuru Kaya Maskini  unaohimiza watoto kuhudhuria masomo kwa zaidi ya asilimia 80 kwa mwezi ili waweze kupata huduma za Mpango.

Aidha Mkuu huyo wa Wilaya amesema walengwa wa Mpango wa Kunusuru Kaya Maskini, wameanza kuboresha maisha kwa kujenga nyumba za kudumu huku wengine wakijiongezea kipato kwa kuanzisha biashara ndogo ndogo kama ufugaji wa kuku,bata, nguruwe na wengine kukuza shughuli za kilimo.

Ili miradi ya Walengwa hao wa TASAF iweze kupata mafanikio yanayotarajiwa ,Mkuu huyo wa Wilaya ameagiza Wataalam wa ugani kuweka mipango ya kuwatembelea walengwa na kuona namna ya kuwasaidia kuboresha miradi wanayoianzisha.

Akizungumza kwa niaba ya Mkurugenzi Mtendaji wa TASAF,Mtaalamu wa Mawasiliano wa TASAF,Bi. Zuhura Mdungi amesema baada ya utekelezaji wa Mpango wa Kunusuru Kaya Maskini kufikia takribani miaka minne sasa , katika maeneo mengi ya utekelezaji wa Mpango ,walengwa wameboresha maisha yao huku kukuwa na mafanikio makubwa katika nyanja za elimu, afya na uanzishaji wa miradi midogo midogo ya kiuchumi.

Zifuatazo ni picha za ufunguzi wa Warsha hiyo.

pic1

Mkuu wa wilaya ya Mpanda ,Bi.Lilian  Charles Matinga (aliyesimama) akisoma hotuba ya ufunguzi wa warsha ya waandishi wa habari juu ya Utekelezaji wa Mpango wa Kunusuru Kaya Maskini mkoani Katavi. Kulia kwake na Mtaalamu wa Mawasiliano wa TASAF,Bi. Zuhurua Mdungi na kushoto kwake ni Mratibu wa TASAF wa mkoa wa Katavi .

pic2

Mtaalamu wa Mawasiliano wa TASAF,Bi. Zuhura Mdungi (aliyesimama) akitoa mada kwenye warsha ya waandishi wa habari juu ya utekelezaji wa shughuli za Mpango wa Kunusuru Kaya Maskini unaotekelezwa na TASAF mkoani Katavi.

pic3

Baadhi ya Waandishi wa Habari wa mkoa wa Katavi wakimsikiliza Mkuu wa wilaya ya Mpanda Bi. Lilian Charles Matinga (hayupo pichani) wakati wa ufunguzi wa warsha juu ya kuwajengea uelewa wa Shughuli za Mpango wa Kunusuru Kaya Maskini. 

pic4

Moja ya nyumba zilizojengwa na Walengwa wa Mpango wa Kunusuru Kaya maskini kwa kutumia ruzuku wanayopata kutoka TASAF katika halmashauri ya wilaya ya Mpanda mkoani Katavi.

KAMATI YA KUSIMAMIA OFISI ZA VIONGOZI WAKUU YAVUTIWA NA UTENDAJI KAZI WA TASAF

User Rating: 3 / 5

Star ActiveStar ActiveStar ActiveStar InactiveStar Inactive

Halmashauri ya wilaya ya Kibaha mkoani Pwani ni miongoni mwa maeneo yanayotekeleza Mpango wa Kunusuru Kaya Maskini unaoratibiwa na Mfuko wa Maendeleo ya Jamii TASAF. Miradi inayotekelezwa kupitia mpango huu ni pamoja na uhawilishaji fedha kwa kaya maskini, kutoa ajira ya muda kwa walengwa, kuweka akiba na kukuza uchumi wa kaya na ujenzi wa miradi ya miundo mbinu.

Wajumbe wa Kamati ya Kusimamia Ofisi za Viongozi Wakuu wa Serikali ya Mapinduzi Zanzibar, wametembelea kijiji cha vikuge, kilichoko katika halmashauri ya Kibaha, mkoa wa Pwani kwa lengo la kubadilishana uzoefu wa namna Mpango wa Kunusuru Kaya Maskini unavyotekelezwa.

Walengwa wa TASAF wa kijiji cha Vikuge wameanzisha miradi mbalimbali ya kujiongezea kipato na kujikwamua na umaskini. Miongoni mwa miradi inayotekelezwa na Walengwa hao ni ufugaji wa kuku,bata,ususi wa vikapo na mikeka na uuzaji wa bidhaa zikiwemo sabuni,nazi, nguo.

 pic1

Bidhaa zinazopatikana, katika kijiji cha Vikuge

Wajumbe wa kamati hiyo walipata fursa ya kujifunza namna mpango wa kuweka na kukuza uchumi kwa kaya unavyotekelezwa. Mradi huu unalenga kuwajengea walengwa uwezo wa kuweka akiba kidogo kidogo katika vikundi na kukopeshana kwa lengo la kuanzisha miradi midogo midogo ya kiuchumi.

Kupitia mpango wa kukuza uchumi wa kaya, wana Vikuge wamefanikiwa kuunda vikundi vyenye jumla ya Walengwa 15 kwa kikundi. Ambapo kamati iliweza kuonana na kukundi kimojawapo kiitwacho Twabaha ambacho kimeweza kujiwekea akiba ya shilingi 600,000 kwa kipindi cha miaka miwili. Wana Twabaha hugawana hisa kila baada ya mwaka mmoja na kuwekeza faida wanayopata kutokana shughuli za kikundi.

 pic2 

Mradi mwingine uliovutia wajumbe wa kamati ya kusimamia viongozi wakuu wa Serikali ya Mapinduzi ya Zanzibar ni ule wa shamba darasa. Mradi huu unatakelezwa kupitia mpango wa kukuza uchumi wa kaya, umeanzishwa ili kuwakutanisha walengwa na maafisa ugani ambao hutoa mafunzo ya namna ya kuboresha shughuli za kilimo ili kuongeza tija.

Kupitia utaratibu huo Mlengwa hufanya kazi kwa karibu na mtaalam wa kilimo kwa hatua zote muhimu wa utayarishaji wa shamba hadi mavuno.Swa Vikuge. Shamba darasa hilo limepandwa mihogo, na walengwa hupata fursa ya kujifunza kilimo bora na cha kibiashara .

 pic3

Wajumbe wa Kamati wakifuatilia maelezo toka kwa afisa ugani.

 

 Wajumbe wa kamati hiyo wakiongozwa na Naibu Waziri wa Ofisi ya Makamu wa Rais mhe.Mihayo Musa Nunga waliipongeza TASAF kwa kubuni mikakati mbalimbali ya kusaidia jitihada za serikali za kuwakwamua wananchi kutoka katika dimbwi la umaskini na kutoa wito kwa walengwa kutumia fursa hiyo vizuri ili waweze kunufaika nayo.